Ինչպես ընտրել տաքացուցիչ

Կենտրոնացված ջեռուցման համակարգը միշտ չէ, որ ապահովում է սենյակի կանոնավոր և բավարար ջեռուցում, երբեմն այն կարող է ընդհանրապես բացակայել, ուստի ցուրտ եղանակին անհրաժեշտ է տաքացուցիչներ օգտագործել։ Լրացուցիչ ջեռուցման սարքավորումները օգնում են ստեղծել հարմարավետ ջերմաստիճան` տանը, գրասենյակում, արտադրության և բացօթյա տարածքներում: Տաքացուցիչների տեսակների մեծ բազմազանությունը թույլ է տալիս ընտրել արդյունավետ և անվտանգ տարբերակ՝ հաշվի առնելով տարածքի տեսակը և չափսը:

Յուղային ռադիատոր

Յուղային ռադիատորի շահագործման սկզբունքը բավականին պարզ է. ջեռուցման տարրերը տաքացնում են յուղը, այն ջերմություն է հաղորդում արտաքին վահանակին, տաք օդը շրջանառվում է բնական կոնվեկցիայի պատճառով: Սարքերը տարածված են կենցաղային օգտագործման մեջ: Մոդելները տարբերվում են հզորությամբ, ինչը թույլ է տալիս ընտրել լավագույն տարբերակը տարբեր տարածքների համար:

Առավելություններ՝

• Անձայն աշխատանք
• Չի չորացնում օդը և չի այրում փոշին
• Չի արտանետում տհաճ հոտ
• Երկար ժամանակ պահպանում է ջերմությունը

Թերություններ՝

• Մեծ է քաշով և չափսերով
• Դանդաղ է տաքանում
• Արտաքին պատյանի բարձր ջերմաստիճան
• Մեծ քանակության էներգիայի սպառում

Էլեկտրական կոնվեկտոր

Օդի ջերմաստիճանը բարձրանում է սարքի մետաղական մակերեսի ներքևում գտնվող ջեռուցման տարրի շահագործման շնորհիվ: Կոնվեկտորը կարող է տեղադրվել պատին կամ լինել հատակին: Նման տաքացուցիչը ամենատարածված և ունիվերսալ տարբերակն է՝ բնակարանը, տունը և գրասենյակը տաքացնելու համար: Այն կարող է օգտագործվել որպես ջեռուցման հիմնական աղբյուր:

Առավելություններ՝

• Շուտ է տաքանում
• Աղմկոտ չէ
• Չի արտանետում տհաճ հոտ
• Ունի գերտաքացման պաշտպանություն
• Ունի թեթև քաշ
• Հարմարավետ ջերմաստիճանի կարգավորման հնարավորություն
• Խոնավության դիմադրություն

Թերություններ՝

• Անջատելուց հետո ջերմաստիճանը երկար չի պահում
• Բարձր առաստաղով սենյակը անհավասար է տաքացնում
• Կարող է չորացնել օդը
• Էներգիայի ծախսը տնտեսող չէ

Ինֆրակարմիր տաքացուցիչ

Ինֆրակարմիր ճառագայթմամբ տաքացուցիչը տարբերվում է ոչ միայն արտաքին տեսքով, այլ նաև տեխնիկական բնութագրով։ Ուստի տաքացուցիչ ընտրելիս անհրաժեշտ է հաշվի առնել՝ տարածքի տեսակը և չափսը, օգտագործման հաճախականությունը։ Ունի ջերմաստիճանի կարգավորիչ՝

Ճառագայթման միջակայք․ Երկար ալիքային (ջեռուցման ջերմաստիճանը 100-ից 600 աստիճան) տնտեսական է, օպտիմալ է տնային օգտագործման համար: Միջին ալիքը (600-ից 1000 աստիճան) և կարճ ալիքը (1000 աստիճանից) օգտագործվում են արդյունաբերական արտադրամասերում, բարձր առաստաղներով խոշոր առևտրային տարածքներում, բաց օբյեկտներում։

Առավելություններ՝

• Շուտ է տաքանում
• Հավասարաչափ տաքացնում է տարածքը
• Խնայող է – շատ էներգիյա չի ծախսում
• Աղմկոտ չէ
• Օդը չի չորացնում
• Սպեցեֆիկ հոտ չի տարածում

Թերություններ՝

• Անջատելուց հետո ջերմաստիճանը երկար չի պահում
• Չի համապատասխանում բարձր խոնավության աստիճան ունեցող տարածքների համար

Տաքացուցիչ փչող

Սա տաքացուցիչների ամենապարզ տեսակն է: Այս տեսակի տաքացուցիչների  մոդելներ ունեն ջերմաստիճանի կարգավորիչ, ինչպես նաև հագեցած են թերմոստատով:

Առավելություններ՝

• Փոքր չափսեր և քաշ
• Արագ ջեռուցում
• Ջերմաստիճանի կարգավորիչ
• Պաշտպանություն գերտաքացումից

Թերություններ՝

• Համեմատած մյուս տեսակների աղմկոտ է
• Այրում է  փոշին և չորացնում օդը
• Էներգիայի ծախսը տնտեսող չէ

Խորհուրդներ տաքացուցիչ ընտրելու համար

Տաքացուցիչ ընտրելիս անհրաժեշտ է հաշվի առնել տարբեր գործոններ ՝ սենյակի տեսակը և չափսը, էլեկտրաէներգիայի սպառումը, օգտագործման հաճախականությունը: Կարևոր է ընտրել ոչ միայն սարքի օպտիմալ տեսակը, այլև բավարար հզորությամբ մոդել: Օպտիմալ տաքացուցիչի ընտրության վրա ազդում են տարբեր գործոններ ՝ կենտրոնացված ջեռուցման առկայությունը, ջերմամեկուսացման որակը, առաստաղի բարձրությունը, սենյակի չարսը և այլն: Որպես կանոն, ստանդարտը համարվում է 1 կՎտ․ հզորությունը 10 քմ․ տարածքի համար: Կենտրոնացված ջեռուցման առկայության դեպքում 1–1.5 կՎտ․ հզորությունը բավարար է 20-25 քմ․ տարածք տաքացնելու համար:

Բացի այդ, կարևոր են սարքի ֆունկցիոնալությունը և պաշտպանիչ գործառույթները։ Օրինակ՝ ավտոմատ անջատումը գերտաքացման ժամանակ, աշխատանքային ռեժիմները կարգավորելու հնարավորությունը, ժամանակաչափի առկայությունը, երեխաների պաշտպանությունը և այլն:

Տաքացուցիչների ամբողջ տեսականուն կարողեք ծանոթանալ onlineshinanyut.am կայքում։