Ծեփամածիկ գիպսային 10կգ MIX

Գիպսային ծեփամածիկ, նախատեսված չոր միջավայրում պատերի և առաստաղների ծեփամածման, հարթեցման համար:

Հատկություններ:Գիպսային ծեփամածիկի խառնուրդը նախատեսված է չոր միջավայրում պատերի և առաստաղների ծեփամածման, ինչպես նախնական, այնպես էլ վերջնական հարթեցման համար: Կիրառվում է շինության ներսում աղյուսե, կրային, բետոնե պատերի, ներկման կամ պաստառապատման ենթակա մակերեսների հարթեցման դեպքում, միջավայրի ոչ ավել, քան 75% խոնավության պայմաններում: Ջրակայուն չէ: Նախատեսված չէ հատակի հարթեցման համար: Պատրաստի շաղախի հետ աշխատանքի ժամանակը՝ առնվազն 60 րոպե: Պատվող շերտի միջին հաստությունը՝ 1-2մմ:

Մակերեսի նախապատրաստում և օգտագործում՝

Աշխատանքն իրականացնել օդի ջերմաստիճանի +10˚C-ից ոչ պակաս և 75% - ից ոչ բարձր հարաբերական խոնավության պայմաններում: Սենյակային ջերմաստիճանի ջրին աստիճանաբար ավելացնել չոր շաղախը, խառնիչի օգնությամբ խառնել, մինչև համասեռ զանգված ստանալը: Շաղախը թողնել հասունացման 5-7 րոպե, կրկին խառնել օգտագործելուց առաջ: Աշխատանքը կատարել չժանգոտվող շպատելի (մածկաթիակի) օգնությամբ: Նախապես մաքրել մակերեսը փոշուց, կեղտից, ոչ կայուն գոյացություններից (օր. հին պաստառի մնացորդներ, յուղաներկ և այլն), վերացնել հիմքի թույլ հատվածները, մակերեսը դարձնելով մաքսիմալ կրողունակ: Լայնացնել մանր ճաքերը՝ նախապես լցնելով դրանք ընդհանուր շերտից առաջ: Անհրաժեշտության դեպքում խորհուրդ է տրվում օգտագործել հեղուկ նախաներկ: Լիովին չորանալուց հետո, առավել հարթ մակերես ստանալու համար, հարկավոր է կատարել մակերեսի հղկում: Աշխատանքներն ավարտելուց հետո գործիքները լվանալ ջրով: Օգտագործված պարկերը և շաղախի մնացորդներն աղբահանել սահմանված կարգով: