Խտանյութ-նախաներկ 1լ MIX

Խտանյութը հնարավորություն է տալիս ստանալ խորը ներթափանցման նախաներկ ըստ պահանջի՝ տարբեր խտություններով, կապված կոնկրետ առաջադրանքի, մակերեսի մշակման առանձնահատկություններից: Նախատեսված է օգտագործել գիպսային, ցեմենտային հիմքերով մակերեսների, ծեփամածիկի, ծակոտկեն հանքային մակերեսների (գիպսաստվարաթուղթ, աղյուս, բետոն), բնական քարերի, փայտի, սվաղի և այլ մակերեսների նախնական մշակման, փոշեզրկման համար: Իդեալական է պաստառապատման, ներկման, սալիկապատման ենթակա, ինչպես նաև հին, մասամբ թուլացած ու թափվող ծեփամածիկի, ներկի ամրացման համար: Չի պարունակում լուծիչներ, ինչի շնորհիվ գրեթե զուրկ է հոտից, և կարելի է օգտագործել անգամ սննդային մթերքների պահպանման համար նախատեսված տարածքներում: Լուծվում է ջրով մինչև 1:10 հարաբերությամբ:

Օգտագործման եղանակ՝

Մակերևույթը պետք է լինի չոր, մաքուր կեղտից և հին ծածկույթներից: Չի թույլատրվում օգտագործել սառած հիմքին: Օգտագործելուց առաջ հարկավոր է խտանյութը խառնել, ապա բացել մաքուր ջրով 1:5 - 1:10 հարաբերությամբ, կապված նախատեսվող աշխատանքի բնույթից և մակերեսի առանձնահատկությունից. օր` հիդրո և ջերմամեկուսացման հետ կապված աշխատանքների, երեսպատման սալիկների, կերամոգրանիտի (այդ թվում նաև ճակատային) փակցման, խոնավադիմացկուն գիպսաստվարաթղթի վրա և այլ համեմատաբար առավել պատասխանատու աշխատանքների կատարման ժամանակ խորհուրդ է տրվում խտանյութը բացել 1:5 - 1:7 հարաբերությամբ: Օգտագործելուց առաջ լավ խառնել: Քսել բարակ շերտով վրձնի կամ գլանակի օգնությամբ, բացառելով նյութի կուտակումները: Աշխատանքները կատարել օդափոխվող տարածքում:

Չորացման ժամանակ՝ 2-3 ժամ

Ամբողջական չորացման ժամանակ՝ 24 ժամ անց 20±2°C ջերմաստիճանի և օդի հարաբերական խոնավությաը 65±5% պարագայում. Ցածր ջերմաստիճանի և օդի բարձր խոնավության դեպքում չորացման ժամանակը մեծանում է։